ВИДЕО | Се ожени австралискиот премиер Ентони Албанезе, кучето ги донесе прстените
Австралискиот премиер Ентони Албанезе направи кратка пауза од управувањето со земјата за да се ожени со Џоди Хејдон, пренесува Ројтерс.
Препорачано
Албанезе стана првиот австралиски лидер кој се оженил додека е на функција. Двојката се венча во Канбера во сабота попладне, еден ден по последното заседание од парламентарната година.
„Воодушевени сме што ја споделуваме нашата љубов и посветеност да ги поминеме нашите идни животи заедно, пред нашето семејство и најблиските пријатели“, рече Албанезе.
Австралискиот премиер објави и фотографии од својата свадба на Твитер, кои ги придружи со описот: „Те сакам Џоди“.
I love you, Jodie. pic.twitter.com/kRow1FZhWP
— Anthony Albanese (@AlboMP) November 29, 2025
До големиот ден, плановите за свадбата беа чувани во тајност поради безбедносни причини. Родителите на Џоди беа присутни, како и синот на Албанезе од претходниот брак, Натан. На церемонијата присуствуваа неколку владини министри.
Кучето на Албанезе , Тото, ги носеше венчалните прстени додека двојката излегуваше на звукот на песната „Signed, Sealed, Delivered (I’m Yours)“ од Стиви Вондер.
Married💍❤️💍 pic.twitter.com/mSzojtBF2I
— Anthony Albanese (@AlboMP) November 29, 2025
Премиерот, исто така, сподели видео на своите официјални профили на социјалните мрежи на кое се гледа како среќната двојка излегува.
На приемот, првиот танц на двојката беше на песната „The Way You Look Tonight“ од Френк Синатра. Гостите пиеја пиво од лименки со слики од двојката на нив.
Ентони Албанезе и Џоди Хејдон ќе го поминат медениот месец во Австралија. Што се однесува до нивното запознавање, тоа било во 2020 година на вечера во Мелбурн, кога партијата на Албанезе била во опозиција.
