ВИДЕО| Руски командант ги тепа војниците и ги тера да се соблекуваат голи
Во јавноста беше објавено видео на кое се гледа како руски воен командант ги соблекува војниците голи и ги тепа, во ритуал на малтретирање што ги шокираше дури и оние војници навикнати на груб и суров третман во руската армија.
Според „WarTranslated“, блогер кој ја следи војната во Украина, станува збор за офицер на руската 4-та тенковска дивизија во близина на Москва кој ги тера своите голи војници да влечат трева. На снимката се слуша како војниците го критикуваат малтретирањето, вообичаено искуство што го доживуваат повеќето војници кои служат во руската армија.
Првично, контроверзното видео го сподели рускиот медиум „Mobilizeyshen News“, кој наведува дека не е јасно кога е снимено.
Повикаа воена полиција и ги соблекоа мажите голи. Луѓето се бесни затоа што тој ги мачи војниците, вели еден војник на видеото, се потецнира во преводот на „WarTranslated“.
Се верува дека тоа е 4-та гардиска тенковска дивизија во Наро-Фоминск, надвор од Москва. Оваа дивизија претрпе големи загуби во Украина
Злоставување во руската армија
Злоставувањето на војниците во руската армија има своја длабока, па дури и фатална историја.
Третманот, познат и како „дедовчина“, обично се применува на војници од понизок ранг што и направи големи проблеми на руската војска да регрутира млади луѓе кои се плашат дека доколку влезат во воена служба ќе бидат понижувани или повредувани .
Оваа практика постои со векови, а руската влада во 2008 година воведе низа реформи со цел да ја искорени.
Во објавеното видео војниците велат дека нивните претпоставени претерале и опасно се доближиле до границите на нивното трпение.
– Ќе има бунт доколку продолжат вака. Секој има свои граници – изјавил еден од злоставуваните војници.
Russian brigade commander forces soldiers to undress and perform humiliating actions, such as plucking grass. The video was reportedly filmed in the territory of the 4th Tank Division in Naro-Fominsk, Moscow Region.
Originally posted here: https://t.co/JRpjgWvls3 pic.twitter.com/g1WsBvsIUW
— Dmitri (@wartranslated) August 3, 2023