ВИДЕО | Руски дрон со боева глава ја погоди нуклеарната централа „Чернобил“ – оштетен саркофагот за заштита од радијација
Украинскиот претседател Володимир Зеленски изјави дека „руско беспилотно летало вооружено со боева глава“ го погодило заштитниот саркофаг над деактивираниот реактор во нуклеарната централа во Чернобил.
Препорачано
„Штетата е значителна, но досега нивото на радијација не е зголемено“, рече Зеленски.
– Единствена земја во светот која напаѓа такви области, која зазема нуклеарни централи и води војна без никакви последици е Русија – изјави украинскиот претседател, кој објави и видео од нападот на мрежата Х.
Зеленски, исто така, рече дека Русија продолжува да ги проширува своите воени сили и „не покажува промена во нејзината пореметена, нехумана реторика“.
Last night, a Russian attack drone with a high-explosive warhead struck the shelter protecting the world from radiation at the destroyed 4th power unit of the Chornobyl Nuclear Power Plant.
This shelter was built by Ukraine together with other countries of Europe and the world,… pic.twitter.com/mLTGeDYgPT
— Volodymyr Zelenskyy / Володимир Зеленський (@ZelenskyyUa) February 14, 2025
– Тоа значи дека Путин дефинитивно не се подготвува за преговори, туку сака да го измами светот. Затоа, сите оние кои ја ценат вредноста на животот мора да продолжат да вршат обединет притисок врз агресорот. Русија мора да одговара за своите постапки – рече Зеленски.
Русија сè уште не го коментираше инцидентот.
Да потсетиме дека во 1986 година се случи огромна катастрофа во нуклеарната централа во Чернобил, што предизвика радијација да се прошири низ цела Европа, а тоа имаше особено разорно влијание врз Белорусија и Украина. Многу луѓе тешко се разболеа, стотици умреа, а штетата предизвикана од контаминацијата е веројатно најголема во историјата, ако не ја сметаме онаа предизвикана од војните: се проценуваше на дури 700 милијарди долари, што со инфлација би изнесувало речиси 900 милијарди денес.
Неколку децении по трагедијата, над проблематичниот реактор беше поставен огромен железен саркофаг, кој продолжува да емитува радијација. Токму тој, се чини, бил погоден од дрон за кој Киев тврди дека им припаѓа на Русите.
