Руското Министерство за одбрана во петокот објави видео кое прикажува два далекуметни бомбардери Ту-22М3 во, како што наведуваат, „планиран лет“ над неутралните води на Балтичкото Море. Од Москва порачаа дека летот се одвивал целосно во согласност со меѓународното право, пишува Euronews.

Детали за летот

Во соопштението на Министерството се наведува дека бомбардерите биле придружувани од борбени авиони Су-35 и Су-30 и дека летот траел околу пет часа.

„Придружбата ја обезбедуваа екипажите на борбените авиони Су-35 и Су-30 на Воздушно-космичките сили. Траењето на летот беше околу пет часа. Во одредени фази од рутата, далекуметните бомбардери беа придружувани од борбени авиони на странски земји“, се наведува во соопштението.

Москва нагласи дека сите летови на руските воздушни сили се спроведуваат во строгa согласност со меѓународните правила за користење на воздушниот простор и дека редовно се изведуваат над неутралните води на Арктикот, северниот Атлантик, Тихиот Океан, како и над Балтичкото и Црното Море.

Предупредување од Финска

Овој настан следува само еден ден откако финската разузнавачка служба предупреди дека Русија и понатаму може да претставува ризик за европските системи.

Во нивниот извештај се наведува дека Москва потенцијално може да планира нови напади врз подводната критична инфраструктура во Балтикот.

Тензии на Балтикот

Во регионот на Балтичкото Море владее високо ниво на подготвеност уште од почетокот на руската инвазија на Украина во февруари 2022 година, и тоа поради низа напади врз електроенергетските и комуникациските линии, како и на нафтоводите.

Последниот инцидент се случи на Нова година, кога Финска пресретна руско пловило поради сомнеж за саботажа на подводни комуникациски линии.

Кремљ повеќепати ги негираше обвинувањата за вакви напади, а обемните европски истраги засега не успеаја да пронајдат директни докази што би ја поврзале Москва со инцидентите.

Проценка на заканата

Финскиот разузнавачки извештај исто така истакнува дека за Хелсинки не постои непосредна воена закана, тврдејќи дека Русија во голема мера е ангажирана во војната во Украина и дека нема докази за непосредна закана на други подрачја.

Сепак, се предупредува дека безбедносната ситуација би можела драстично да се промени во наредните месеци и години, доколку Русија успее да ги обнови или прошири своите вооружени сили.

Bombowce dalekiego zasięgu Tu-22M3 wykonały lot nad Morzem Bałtyckim w eskorcie myśliwców Su-35S i Su-30SM…

Na niektórych odcinkach trasy, rosyjskie samoloty były śledzone przez myśliwce innych państw… pic.twitter.com/66ANltPOuV

— Tomek Niewęgłowski (@tomek525) January 23, 2026