ВИДЕО | Рубљов го совлада Руне во Монте Карло и ја освои првата Мастерс титула
Русинот Андреј Рубљов ја освои првата Мастерс титула од АТП 1.000 серијата откако славеше во финалето против Данецот Холгер Руне со 2:1 во сетови.
Мечот не започна добро за Рубљов и можеше да се забележи малата нервоза и недоволната концентрација кај рускиот тенисер, но сепак во продолжение со пресврт стигна до првата титула на големите Мастерс Турнири.
Во последниот сет губеше со 4:1 во гемови, но сепак успеа да се врати и да го совлада Данецот кој во таа ситуација многумина го видоа како освојвач.
Во кариерата претходно Рубљов изгуби две Мастер финалиња, едно на Синсинати и едно токму тука во Монте Карло пред две години.
An unforgettable moment for @AndreyRublev97 ✨@ROLEXMCMASTERS | #RolexMonteCarloMasters pic.twitter.com/treiPrTpmS
— ATP Tour (@atptour) April 16, 2023