ВИДЕО | Рецепт за бела снегулка, омилениот колач на Јована Броз
Бела снегулка е кремаст колач за кој се верува дека бил омилениот деликатес на Јованка Броз.
Препорачано
Состојки:
За кората:
– 7 белки
– 1 јајце
– 7 лажици шеќер
– 7 лажици брашно
– 3 лажици млака вода
За кремот:
– 7 жолчки
– 7 лажици шеќер
– 6 лажици брашно
– 1 лажица густин (згуснувач)
– 800 мл млеко
– 250 грама маргарин
За преливот за кората:
– 100 мл млеко
– 1-2 лажици рум
За декорација:
– шлаг
– темно чоколадо
Подготовка:
Одвојте ги белките и жолчките. Белките изматете ги со додавање на шеќерот додека не се формира цврста пена. Потоа, постепено додавајте брашно, млака вода и едно цело јајце. Смесата сипете ја во сад за печење и печете во загреана рерна на 180 степени.
Температурата можете да ја адаптирате на вашата рерна и проверете со чепкалка за заби за да бидете сигурни дека е печена. Кората мора да остане со светла боја.
Кремот ќе го направите така што ќе ги зготвите жолчките во млекото, ќе додадете брашно, шеќер и згуснувач. Кога смесата ќе стане густа, оставете ја кратко да се излади и додадете го маргаринот.
Кората прелијте ја со млекото и румот. Кога кората ќе се натопи, премачкајте ја одозгора со изладениот крем. Врз него ставете го изматениот шлаг и изрендајте темно чоколадо.
