Реал Мадрид успеа да се врати од негатива од 0:2 на полувреме и да слави против Алмерија со резултат 3:2.

„Кралевите“ до победата дојдоа многу потешко од очекувањата против тимот кој се бори за опстанок. Гостите до водство стигнаа по само 38 секунди игра и тоа со голот на Рамазани, а во финишот од првото полувреме Гонзалес се погрижи и за 2:0.

Во второто полувреме Реал Мадрид доби пенал по реакција на ВАР, а реализатор на најстрогата казна беше Џуд Белигнам. Набрзо потоа Алмерија постигна нов гол, меѓутоа и тогаш ВАР беше од помош на Реал и голот го понишити.

Изедначување во 67-та минута донесе Винисиус, а за да биде потврден повторно ВАР мораше да реагира. Судијата на теренот досуди играње со рака, меѓутоа по прегледувањето на ВАР снимката можеше да се види дека е во прашање е рамо.

Честите прекини донесоа големо продолжение, победничкиот гол по асистенцијата од Белингам го постигна Карвахал во 99. минута.