ВИДЕО: Пукање во трговски центар во Копенхаген, луѓето бегаат, полицијата го опколи местото

Пукање во Трговски центар во Копенхаген/Фото: Скриншот

Во трговски центар во Копенхаген дошло до пукање.

Повеќе лица се повредени, јави полицијата додавајќи дека на терен се излезени голем број припадници на полициските сили.

Не е јасно колку лица се убиени, а колку ранети. Околните улици се целосно блокирани.

Пукањето се случило само неколку часа пред почетокот на настапот на британскиот пејач Хари Стајлс. Тој настапува во блиската сала во 20 часот.

Полицијата соопшти дека е уапсен еден осомничен, но не соопштува никакви детали.

„Едно лице е уапсено во врска со пукањето во Филдс. Засега не можеме да кажеме повеќе за идентитетот на тоа лице. На местото на настанот има многу полицајци“, напишаа тие.

 

Во посебен твит, тие ги повикаа сите што се во трговскиот центар Филдс да контактираат со роднините.

Данскиот весник Берлингске разговараше со еден сведок.

„Беше лудо“, вели работник во продавница. Таа вели дека слушнала повеќе истрели и видела луѓе како трчаат одеднаш.

Таа вели дека потоа ја затворила продавницата и го напуштила центарот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот