Нов инцидент со пукање во САД – овој пат во сојузната држава Кентаки, каде петмина луѓе се убиени во пукање во зграда на Стара народна банка во центарот на Луисвил. Осомничениот напаѓач е мртов. По пукотницата шестмина биле донесени во болница објави Асошиетед прес.

Полициската управа претходно преку Твитер објави дека пукачот е во зградата и им порача на луѓето да ја избегнуваат областа.

На полицискиот број 911 пристигнале панични повици за „активен пукач“ во 8:30 часот по локално време. Очевидците го опишале осомничениот како „осамен стрелец“

На телевизиските снимки се забележани бројни полициски возила, а новинари сведочеле како амбулантни комбиња превезуваат ранети луѓе од местото на крвавиот инцидент.

На Твитер, гувернерот на Кентаки рече дека се упатува кој банката.

„Молете се за сите погодени семејства и за градот Луисвил“, рече Бешеар.

ФБИ соопшти дека и нивните агенти реагирале на пукањето.