ВИДЕО | Прва шампионска титула за Денвер во НБА, Јокиќ МВП!
Tимот на Денвер слави историска титула откако во петтиот натпревар од финалната серија го совлада Мајами со 94:89 за вкупни 4:1. Српскиот кошаркар Никола Јокиќ апсолутно заслужено беше прогласен за МВП на финалето.
Денвер предводен од Јокиќ одигра фантастичен плеј-оф и дефинитивно сезонава беа тимот кои покажаа најмногу кога беше најпотребно.
Мајами не се предаде се обиде да го одложи славјето и во најголем дел од натпреварот имаше предност, но не успеа да издржи до крајот. Неизвесност имаше во текот на целиот дуел, иако Мајами во втората четвртина поведе со двоцифрена разлика 39:29.
Водеше Мајами и во самиот финиш со 89:88, но тука застанаа, а Јокиќ и друштвото со серија од 5:0 стигнаа до победата и шампионскиот прстен. Најдобар на теренот и во овој дуел беше Јокиќ со 28 поени и 16 скокови, Портер постигна 15 поени и 13 скокови, додека Мареј уфрли 14. На спротивната страна Батлер постигна 21 поен, а дабл-дабл запиша Адебајо со 20 поени и 12 скокови.
Со добиеното МВП признание за финалето Јокиќ стана првиот центар по Шкил O’нил кој ја добива оваа награда.
Nikola Jokic is the 2023 #NBAFinals MVP! pic.twitter.com/jfZoEHyNFx
— NBA (@NBA) June 13, 2023
Confetti showers Nikola Jokic and his daughter as the Nuggets win the NBA Championship! pic.twitter.com/Bl4nQZZdy8
— NBA (@NBA) June 13, 2023
