ВИДЕО | Лажниот холивудски продуцент Дејвид Пирс е осуден на 146 години затвор поради две убиства и серија силувања
Холивудскиот продуцент Дејвид Пирс е осуден на 146 години затвор, откако беше прогласен за виновен за смртта на две девојки во 2021 година, како и за низа сексуални напади врз други жени. Пирс е директно одговорен за смртта на манекенката Кристи Џајлс и нејзината пријателка Хилда Марселе Кабралес-Арзола, кои починале од предозирање со фентанил, пренесува „Холивуд репортер“.
Препорачано
Трагичните настани во ноември 2021 година
Според наводите на окружното обвинителство во Лос Анџелес, Пирс и уште еден маж, Брент Озборн се сретнале со Кристи и Хилда во ноември 2021 година, a потоа отишле со нив во станот на Пирс, каде што им била дадена смртоносна комбинација од дроги.
Иако Хилда се обидела да повика такси околу 35 минути по пристигнувањето, никогаш не успеала да го напушти станот, пренесува „Холивуд репортер“.
View this post on Instagram
Оставени пред болници
Откако двете девојки ја изгубиле свеста, Пирс и Озборн ги изнеле од станот и ги оставиле пред две различни болници во Лос Анџелес.
Кристи Џајлс починала пред да биде примена во болница, додека Хилда Кабралес-Арзола поминала 11 дена приклучена на апарати за одржување во живот, пред нејзиното семејство да донесе одлука да ја исклучи од апаратите.
Овој случај ја шокираше американската јавност и повторно го сврте вниманието кон опасностите од комбинирање на наркотични супстанции и криминалното однесување во круговите на Холивуд.
View this post on Instagram
