Последниот лидер на Советскиот Сојуз, Михаил Горбачов, во саботата напладне беше погребан на гробиштата Новодевичи во Москва, а илјадници Руси дојдоа да му одадат последна почит на големиот лидер и државник.

Највпечатливата слика од погребот која многу брзо го обиколи светот беше моментот кога неговата ќерка Ирина Виганскаја го прегрна за последен пат непосредно пред да биде погребан до неговата сопруга Раиса.

Погребната служба се одржа во Салата на колумните во Домот на Синдикатите,  раскошна вила од 18 век во близина на Кремљ, која се користи за државни погреби уште од советско време, а помина без државни почести и во отсуство на рускиот претседател Владимир Путин кој не стигнал на погребот поради „непланирани работни обврски“.