Најмалку 47 луѓе загинаа, а 150 се повредени во бомбашки напад врз џамија во пакистанскиот град Пешавар, објави BBC. Според надлежните, под урнатините има уште затрупани луѓе.

Повеќето од загинатите се полицајци, па се претпоставува дека биле цел на нападот. Првите извештаи велеа дека бомбашот, кој седел во првиот ред, се разнел, но тоа не е потврдено. Ниту една група досега не презеде одговорност за нападот. Шефот на полицијата во Пешавар, Мухамед Ијаз Кан, за локалните медиуми изјави дека во моментот на експлозијата во областа биле присутни меѓу 300 и 400 полицајци.

Премиерот Шехбаз Шариф со остра осуда. Во изјавата, тој рече дека оние кои стојат зад нападот „немаат никаква врска со исламот“.

Тој не кажа која група го извела нападот, кој се поврзува со пакистанските талибанци. Тие го прекинаа примирјето во ноември, по што се зголеми насилството во земјата. Во декември беше нападната полициска станица во северозападниот дел на земјата, при што загинаа 33 милитанти.

Terrifying, Blast in Peshawar Mosque! Praying for those injured in the blast in #Peshawar May Allah protect Pakistan! Ameen. pic.twitter.com/0QATutouJd

— • (@Al__Quraan) January 30, 2023

Мухамед Асим, портпарол на градската болница Лејди Ридинг, изјави дека некои од повредените се во критична состојба. Премиерот отпатувал во Пешавар во итна посета, а локалните власти ќе му ги достават најновите информации за настанот, а ќе ги посети и ранетите.

Pakistan: A massive explosion was reported in Peshawar a short while ago, with early reports indicating at least 50 wounded. The #explosion was apparently at a #mosque during prayers.

Video: Social Media | #ArianaNews #Pakistan #Peshawar pic.twitter.com/g5Yo0g1JTK

— Ariana News (@ArianaNews_) January 30, 2023

Минатиот март Пешавар беше цел на уште еден бомбашки напад, во кој загинаа десетици во шиитска џамија.