Фудбалерите на Наполи и Парма денеска одиграа нерешено 1:1 во 32 коло од Серија А, па Интер продолжува да бега со шест бода предност во генералниот пласман

Наполи беше во одлична форма и имаше серија од пет победи, но попладнево на „Тардини“ ја пропуштија можноста уште повеќе да се приближат до водечкиот Интер.

По само 34 секунди од првото полувреме, домаќините дојдоа до водство со погодокот на Стрефеца.

Израмнувањето дојде во вториот дел, во 60 минута „наполитанците“ стрелаа преку Мектомини.

Македонскиот репрезентативец Елиф Елмас настапи за гостите од 78 минута како замена за Де Брујн.

Наполи е на второто место со 66 бодови, додека Парма остана на 14 позиција со 36. Интер својот меч од ова коло ќе го има вечерва на гости против Комо.

Серија А, 32 коло

Недела, резултати:

Џенова – Сасуоло 2:1
Парма – Наполи 1:1