ВИДЕО | „Па, што ѝ е?“: Култната актерка не ѝ даде аплауз на Џејми Ли Кертис во моментот кога го доби Оскарот
Иако повеќето филмски работници ќе кажат дека е голема чест дури и да се биде номиниран за голема награда, американската актерка Анџела Басет на годинашното доделување на Оскарите очигледно навистина сакаше да ја добие наградата за најдобра женска споредна улога.
Како што пишува магазинот „ОК!“, Басет очигледно воопшто не ѝ аплаудирала на својата колешка и конкурентка Џејми Ли Кертис, која беше наградена на 95. доделување на наградите на Американската академија за филмски уметности и науки за нејзината улога во филмот „Everything Everywhere All at Once“.
За време на телевизискиот пренос на наградата можеше да се види како нерасположената Басет не ѝ аплаудира на пресреќната Џејми Ли Кертис.
Бидејќи корисниците на социјалните мрежи не пропуштаат ништо, некои веднаш забележаа дека Басет не аплаудираше кога Ли Кертис го доби Оскарот.
Angela Bassett’s reaction to Jamie Lee Curtis’ name being called…you can tell how much that Oscar would have meant to her. she is, was, and always will be incredible. I better see her on that stage SOON pic.twitter.com/oHDfuDUksG
— Spencer Althouse (@SpencerAlthouse) March 13, 2023
„Без разлика кој добил Оскар… Анџела Басет можеше да ѝ аплаудира на победничката“, рекол еден корисник. „Анџела Басет не реагираше ни кога го прочитаа името на Џејми“, додал друг. „Па, што ѝ е? Можеби тоа беше разочарување, а можеби шок. Во секој случај, Анџела не беше расположена да ѝ аплаудира на Џејми Ли Кертис“, додал трет.
Другите актерки номинирани во категоријата, Стефани Кси, Кери Кондон и Хонг Чау подготвено ѝ аплаудирале на Ли Кертис, славната актерка која својата прва улога ја оствари во 1978 година во филмот „Ноќ на вештерките“ на Џон Карпентер.
Како што пишува „Индипендент“, имало и такви кои ја поддржале Басет, односно констатирале дека таа се однесувала како личност од крв и месо која сака награда.
„Реакцијата на Анџела Басет беше реална“, напишал еден корисник на социјалните мрежи. „Оваа жена даде толку многу во своите филмови, а Оскарите повторно ја поткадоа“, додал друг. „Анџела Басет заслужува Оскар и сите го знаат тоа“, продолжил третиот и тврди: „Не ме сфаќајте погрешно, Џејми Ли Кертис има феноменални улоги, но Анџела долго време чекаше за Оскар и ме лути што повторно ја изиграа. Емоцијата кога изгуби, нејзиниот израз беше празен. Таа е неверојатна. Таа е поткрадена“.