Веста дека скопскиот градоначалник Орце Ѓорѓиевски го назначил водителот Миро Кацаров за директор на Универзалната сала предизвика големо внимание во јавноста и лавина од реакции на социјалните мрежи.

Според првичниот впечаток, повеќето од коментарите се негативни и луѓето се прашуваат каков бил критериумот при изборот на Кацаров за директор на институцијата која раководи со сега непостоечката сала, чијашто повторна изградба по пожарот во кој изгоре во 2024 година, ќе ги чини граѓаните дури 20 милиони евра.

На „Икс“ се појавија и стари видеа од Кацаров, кои корисници на социјалната мрежа ги наведуваат како потврда дека тој не е соодветно решение за прв човек на оваа значајна културна институција. Во едно такво видео, Кацаров за Hypetv.mk кажува дека „животот му е драма“ и се обидува да го објасни својот темперамент.

Отприлика вака мора да поминало интервјуто за позиција “Директор на Универална Сала.”

Овој, не знам како да го наречам, ќе води културен објект од 20 милиони Евра?

Дали сте сериозни? pic.twitter.com/DjTwfky9Ok

— Маја (@____maja_______) May 14, 2026

…… pic.twitter.com/ka5Jfuzr7E

— Маја (@____maja_______) May 14, 2026

Оригиналната Универзална сала, изградена како помош од Бугарија по земјотресот во Скопје во 1963 година, изгоре во голем пожар кој се случи при првиот обид таа да се реконструира, во април 2024 година. Тогаш реконструкцијата ја изведуваше фирмата Универзал Балкан – истата што две години подоцна, во април годинава, и покрај претходните контроверзии и еден поништен тендер, повторно ја доби зделката од 20 милиони евра за изградба на целосно нова сала.

Водителот Миро Кацаров ќе биде директор на Универзалната сала, Ѓорѓиевски веќе го назначил