На ЈуТјуб платформата излезе вториот трејлер од документарниот филм „Се извинувам, Кежаровски тука живее“ кој е хронолошко сведоштво на новинарот Томислав Кежаровски за настаните кои му претходат на неговото брутално приведување, судски процес и затворска казна.

Во филмот е поместено неговото сведоштво на настаните кои се случуваат додека тој е на издржување на затворската казна вклучително и поддршката од неговите колеги медиумските работници.

Автор на документарниот филм е Миле Бошњаковски и е сниман во 2023 и дел во 2024 година односно после 5 години од заокружување на голготата наречена „Случајот Ореше – новинарски натпис во кој се открива заштитен сведок на Кежаровски”.

Првиот трејлер содржеше мал фрагмент посветен на тогашната јавна обвинителка Лиле Стефанова која го водеше процесот, а вториот трејлер го пренесува делот во кој Кежаровски се враќа во КПУ затвор Скопје во Шуто Оризари за потребите на снимање на документарниот филм.

Филмската екипа наскоро ќе информираме и за датумот на официјалната премиера.