ВИДЕО: Николов поуспешен од Ристовски и Адеми, Шериф по Црвена звезда го елиминира и Динамо Загреб
Македонските репрезентативци Стефан Ристовски и Аријан Адеми нема да играат во Лигата на шампионите во претстојната сезона откако беа запрени на последната препрека и тоа од тимот чиј член е Бобан Николов.
Екипата на Динамо Загреб е елиминирана во последното коло од квалификациите за пласман на групната фаза во ЛШ и тоа од екипата на Шериф Тираспол за која во новата сезона ќе настапува Бобан Николов кој вечерва не можеше да настапи за новиот тим бидејќи е позитивен на коронавирус.
Шериф во првиот натпревар славеше со 3:0, а вечерва во реваншот во Загреб одигра 0:0 и за прв пат во својата историја обезбеди пласман во групната фаза во Лигата на шампионите. Екипата на Шериф во претходното коло беше поуспешна од уште еден тим од регионот, Црвена звезда.
Стефан Ристовски го одигра целиот натпревар за Динамо Загреб, додека Аријан Адеми поради повреда не настапи.
Пласман во групната фаза во ЛШ обезбеди и австрискиот шампион Салцбург кој и во реваншот против Брондби славеше со идентичен резултат 1:2.
Сите дилеми околу патникот во групната фаза во ЛШ беа решени во првите 10 минути од натпреварот кога Салцбург со головите на Сеско и на Аронсон поведе со 0:2. Бронди до крајот на средбата успеа да намали и со голот на Мачо во 62 минута.