Неверојатни сцени ја одбележаа завршницата од натпреварот меѓу Раднички Крагуевац и Јавор во последното коло од плеј-аутот во српската Суперлига. Средбата заврши без победник 2-2, резултат што му обезбеди опстанок на Раднички, но славјето за само неколку моменти се претвори во вистински хаос.

По последниот судиски свиреж, тренерот на домашниот тим Славко Матиќ заедно со фудбалерите влета на теренот за да го прослави опстанокот, но тогаш следуваа шокантни сцени.

Навивачите на Раднички втрчаа на тревникот, но наместо да слават со своите играчи, започнаа напад кон нив. Во еден момент беа запалени и два факели кои беа фрлени кон фудбалерите, додека Матиќ влезе и во жестока вербална расправија со дел од навивачите.

Ситуацијата брзо излезе од контрола, па на теренот интервенираше и полицијата. Фудбалерите на Раднички видно револтирани тргнаа кон пресметка со навивачите, додека полицијата се обидуваше да ги оттурне кон трибините.

 

View this post on Instagram

 

A post shared by Glas Šumadije (@glassumadije.rs)