ВИДЕО: Не сакаше да се поздрави со Ѓоковиќ, неспортски потег на Американецот Томи Пол

„Тимот на Европа“ на Лејвер купот во Лонон/фото: EPA-EFE/ANDY RAIN

Непрофесионалниот и неспортски потег на 25-годишниот Американец Томи Пол ги запрепасти љубителите на тенисот ширум светот.

Срамна сцена е видена по мечот од „Лејвер купот“ во Лондон помеѓу Новак Ѓоковиќ (Србија) од „Тимот на Европа“ и Френсис Тиафо (САД) од „Тимот на Светот“.

Американскиот тенисер Томи Пол по убедливата победа од 2:0 на Ѓоковиќ одби да се ракува со српскиот ас.

Ѓоковиќ го совлада Тиафо со 6:1 и 6:3 и откако се поздрави со својот ривал на мрежата, се приближи до клупата на „Тимот на Светот“ за да се поздрави и со останатите тенисери, односно со противниците.

Ја подаде раката кон тренерот на „Тимот на Светот“ Џон Мекинро, а потоа тргна кон другите. Следеше неспортскиот потег на Томи Пол, наместо да биде пример за професионален спортист, не му подаде рака на Србинот, туку ја сврте главата на другата страна.

Видео на денот