ВИДЕО: НАСА успешно испрати свои астронаути на Меѓународната вселенска станица
Националната аеронаутичка и вселенска агенција (НАСА) денеска лансираше четворица астронаути до Меѓународната вселенска станица (МВС) со ракета и капсула кои се за повеќекратна употреба.
Астронаутите се од три земји, лансирањето беше од вселенскиот центар Кенеди на Флорида и капсулата „Крју драгон” се очекува да се припои со станицата рано во сабота.
3.. 2.. 1.. and liftoff! Endeavour launches once again. Four astronauts from three countries on Crew-2, now making their way to the one and only @Space_Station: pic.twitter.com/WDAl8g7bUK
— NASA (@NASA) April 23, 2021
Се работи за ракетата за повеќекратна намена „Фалкон-9″ на компанијата Спејс Икс. Ракетата успешно се врати на пловечка платформа во Атлансткиот Океан. Ова е втора употреба на оваа ракета.
Повеќекратната употреба помага да се намалат трошоците за вселенската програма на НАСА. Ракетата е произведена од СпејсИкс, компанијата има склучено договор за соработка со НАСА вреден повеќе милијарди долари.
Мултинационалниот екипаж е составен од астронаутите на НАСА, Шејн Кимброу и Меган Мек Артур, Томас Пескет од Европската вселенска агенција и Акихико Хошиде од Јапонската агенција за вселенски истражувања.
Ова е првпат НАСА да користи повеќекратна ракета и капсула за испраќање свои астронаути на МВС.