ВИДЕО: На улица во Газа, со израелски тенк, убиено цело семејство
Новинар во центарот на Газа го снимил моментот кога тенк пука кон автомобил среде пат. Јусаф ал-Саифи патувал од југ кон градот Газа кога забележал тенк на патот и почнал да ги предупредува другите, објави Скај Њуз.
На снимката може да се види како автомобилот се приближува до земјена бариера, очигледно поставена од булдожер, пред да се сврти и да тргне во спротивна насока.
Додека возел, тенкот отворил оган. „Кога сакав да се вратам, видов автомобили кои брзо возат во мојот правец. Почнав да велам гласно „не оди напред, не оди напред“, рече Јусаф. „Автомобилот што одеше напред не свати дека има тенк. Продолжи брзо напред и потоа свати. Тие пукаа во него.
„Возачот се обиде да се врати назад, со него имаше семејство. Го видов семејството во автомобилот. Го погодија со граната и загинаа. Тоа го видов со свои очи.“
Министерството за здравство на Газа, под контрола на Хамас, подоцна соопшти дека три лица биле убиени. Скај њуз се обратиле до израелските одбранбени сили за коментар и се уште чекаат одговор.
Footage shows IDF tanks striking a suspicious vehicle on Salah a-Din road near Gaza City. pic.twitter.com/TtFR9mrMwk
— Emanuel (Mannie) Fabian (@manniefabian) October 30, 2023
Извршната директорка на УНИЦЕФ Кетрин Расел изјави денеска дека во Појасот Газа секојдневно се убиени или повредени повеќе од 420 деца.
„Вистинската цена на оваа последна ескалација ќе се мери со животите на децата“, рече Расел на вонредната седница на Советот за безбедност на Обединетите нации во врска со хуманитарната ситуација во Газа.