Во рамките од 32 коло во најдобрата фудбалска лига на Словенија, екипата на Олимпија Љубљана загуби со 3:2 на гостувањето кај Копер.

Македонскиот интернационалец Димитар Митровски во 71 минута постигна прекрасен гол од слободен удар во стилот на еден од најдобрите играчи на светот, Лионел Меси.

За Митровски ова е трет гол сезонава во 24 настап за Олимпија Љубљана, а досега има и пет асистенции.

Олимпија Љубљана се наоѓа на петтата позиција на табелата со 46 бодови, далеку зад водечкиот Целје кој има 68.

Во следното коло на 2 мај Митровски и неговите тимски колеги ќе играат на домашен терен против Приморје.