ВИДЕО: Малме ќе игра во Лигата на шампионите
Познати се првите три екипи кои преку квалификациите обезбедија пласман во групната фаза во Лигата на шампионите. Во елитното натпреварување во новата сезона ќе играат Бенфика, Јанг Бојс и Малме.
Малме и покрај поразот од 2:1 на реваншот против Лудогорец, обезбеди пласман во ЛШ поради триумфот од 2:0 во првиот натпревар.
Бугарскиот шампион поведе уште во 10. минута преку Недјалков, но во финишот од првиот дел Малме израмни преку Бирманчевиќ. Пировата победа за Лидогорец ја обезбеди Сотириу со голот од пенал во 60. минута.
Јанг Бојс на реванш натпреварот во Будимпешта против Ференцварош пристигна со предност од 3:2, а со идентичен резултат славеше и вечерва.
Зајсигер уште во петтата минута му донесе предност на Јанг Бојс, но унгарците до крајот на првиот дел направија пресврт благодарение на головите на Винго во 18. и на Мае во 27. минута.
Сепак, во второто полувреме Фаснарт во 56. минута го израмни резултатот, додека Мамбимби во судиското продолжение постигна гол за нов триумф на Јанг Бојс што значеше пласман во групата фаза во ЛШ.
Екипата на Бенфика успеа да ја зачува предноста од првиот натпревар (2:1) и во реваншот во Холандија против ПСВ Ајндховен одигра без голови.