8 C
Скопје

ВИДЕО | Макрадули: Во Пошта плаќање на сметки и други финансиски трансакции со најниска провизија

И покрај изјавата на Макрадули дека се задоволни од веќе направените трансакции, денеска екипата на „Слободен печат“ ги начека филијалите на пошта празни, додека гужвите останаа пред банките.

Граѓаните од денеска, после неколкумесечен прекин, повторно можат да ги плаќаат сметките и да извршуваат плаќања во готово преку шалтерите на Пошта. Платниот промет на пошта ќе се одвива преку Халкбанк АД Скопје, а провизијата за плаќање на сметки ќе изнесува 35 денари.

Функционирањето на платниот промет во Пошта од март ќе биде достапен во повеќе избрани подружници на Пошта и тоа: во Скопје 1 и Скопје 2,  подружниците во Тетово, Гостивар, Кичево, Охрид, Битола, Прилеп, Кавадарци, Велес, Гевгелија, Струмица, Штип, Кочани и Куманово.

Фото Слободен печат / Драган Митрески

Според директорот на Пошта, Јани Макрадули, ова партнерство со Халкбанк ќе придонесе за финансиско стабилизирање на Пошта, но и ќе овозможи плаќање на сметки и други финансиски трансакции со најниска провизија.

Прочитајте и...  Влада: Пензионерите ќе ги добијат пензиите пред празниците

-Утрово, само за еден час, направени се веќе 500 трансакции, а не сакаме да брзаме и започнавме со 35 поштенски единици. Ова е добра работа и за граѓаните, бидејќи провизиите што ги нудиме ние се најмали, а е добро и за двата деловни партнери. Ќе ја вратиме поштата таму каде што припаѓа, на граѓаните – изјави Макрадули.

Фото Слободен печат / Драган Митрески

Сепак и покрај изјавата на Макрадули дека се задоволни од веќе направените трансакции, денеска екипата на „Слободен печат“ ги начека филијалите на пошта празни, додека гужвите останаа пред банките.

Пред случувањата со Еуростандард банка, за некои сметки, како на пример за струја воопшто немаше провизја. На прашањето на „Слободен печат“ за износот на провизиите и дали од Пошта или од Халк банка преговараат со ЈП „Водовод и Канализација“ или со „ЕВН“ за тие да ги подмируваат трошоците за провизија, а не граѓаните, директорот на пошта, Јани Макрадули изјави:

Прочитајте и...  Повторно се тресеше Хрватска: Земјотрес е забележан и во Словенија

„Услугата која банката ја прави во име на поштата е дефинирана од банката и како било која банка си пресметува провизија на услугата што ја врши, на финансиската услуга на платниот промет. Халк во име на пошта го врши платниот промет и финансиските услуги кон граѓаните.“

Макрадули: Ќе ја вратиме Поштата кај граѓаните

Макрадули: Провизијата од 35 денари ја одредува Халкбанк, а не пошта

Поврзани вести

ВИДЕО I Русија ја активира северната флота: Целта е да се заземат стратешките точки на Арктикот по секоја цена

Слободен печат

Повторно се тресеше Хрватска: Земјотрес е забележан и во Словенија

Слободен печат

ВИДЕО I Заврши судењето за убиството на Афроамериканецот Џорџ Флојд: Војска и хеликоптери низ улиците на САД, Дерек Шовин е виновен

Слободен печат

ВОЗНЕМИРУВАЧКО ВИДЕО: 12-годишно девојче oд Велес, брутално нападнато од својата врсничка додека останатите гледаат и снимаат со телефон

Слободен печат

Кинеската вакцина е 93 отсто ефикасна во спречување на хоспитализација: Не е забележам ниту еден смртен случај

Слободен печат

Вработен во казино играл со пари што ги извадил од апарати, „се покрил“ со 5.000 службени евра

Слободен печат

Остави Коментар