ВИДЕО | Лесно и практично решение за ставање сијалички на божиќната елка: Секоја година сме ги ставале на погрешен начин
Многу луѓе со душа чекаат да дојде декември за да почнат да ги украсуваат своите домови, а највозбудливиот момент секако е украсувањето на елката. Покрај лампионите во разни форми, бои и текстури, машни и украси, сијаличките се неопходен додаток на секоја божиќна елка.
Иако можеби мислите дека сте станале експерт за украсување со текот на годините, Клер Хупер ќе ве убеди во спротивното.
Нејзиниот совет што го сподели со своите следбеници на апликацијата „Тик Ток“ е навистина револуционерен. Не само што сијаличиките полесно ќе се отстранат од елката кога ќе поминат празниците, туку и многу полесно се ставаат на овој начин.
Наместо да се вртите околу елката со сијаличките за кои сите знаеме колку лесно се заплеткуваат, Клер советува да ги поставувате вертикално, од горе надолу и така сè до крај.
„Декорирањето новогодишни елки беше моја работа. Ние секогаш го користевме методот на „цик-цак“. На овој начин, нема да мора да трошите сијалички на задниот дел од елката, што нее ни видлив, а ќе заштедите и време кога ќе почнете да ја раскитувате“, вели Хупер, чие видео има неверојатни 2,4 милиони прегледи и над 117.000 лајкови.
На нејзиниот профил „Тик Ток“ можете да видите уште многу интересни видеа со интересни совети и трикови.