Кошаркарите на Лос Анџелес Лејкерс славеа минимална победа од 116-114 над Феникс Санс во натпревар исполнет со драма до самиот крај, но и со тензична атмосфера на паркетот, во која главна улога имаше Леброн Џејмс.

Искусниот ас ги загуби нервите по еден остар дуел со Дилон Брукс, по што тргна во жестока расправија со противничкиот кошаркар, а ситуацијата брзо ескалираше и во конфликт во кој мораа да интервенираат и судиите.

„Кралот“ не се смири ниту по нивното вклучување, напротив, дополнително се изнервира поради развојот на настаните, реагирајќи бурно кон арбитрите и инсистирајќи Брукс да биде санкциониран за својот потег.

Преземено од: Спорт.ком.мк