На жителите на населба во близина на Берлин им било кажано да останат дома додека властите трагаат по лавица која побегнала од Зоолошката градина, пишува „Дојче веле“.

„Избегано, опасно животно“, за кое постои сомневање дека е побегнатата голема мачка, наводно било забележано синоќа во регионот на Потсдам на работ на германскиот главен град, соопшти полицијата.

German police are asking people near Berlin to stay inside after a big cat, believed to be a lion, was seen pic.twitter.com/1tspcIikrQ

— BNO News (@BNONews) July 20, 2023

Властите користат хеликоптери за да го следат она што тие веруваат дека е лавица и ги повикаа жителите да останат внатре во своите домови, објави јавниот радиодифузен сервис „РББ“.

Полицијата соопшти дека во акцијата за пронаоѓање на животното учествуваат и ветеринарни специјалисти и ловџии.