Според последните информации меѓу затворскиот персонал имаме 16 лица позитивни и пет во изолација. Меѓу нив е и директорот на КПУ од отворен тип во Струга, но за среќа сите вработени не се во животозагрозувачка состојба, изјави во Утрински брифинг Марјан Спасовски, директор на Управа за извршување на санкции.

Помеѓу осудениците имаме шест позитивни од кои еден е хоспитализиран додека останатите се изолирани во посебни простории. Нашиот затворски систем има најмалку инфицирани и починати лица од сите земји во регионот. Точно е, еден од инфицираните лица е и Митко Чавков, вели Спасовски.

Третманот и начинот на постапување на заразените и суспектни лица се одвива според важечките протоколи. Од голема помош за сите установи во успешно справување со епидемијата е Прирачникот – поготвеност превенција и контрола на ковид 19 во казнено-поправни и воспитно – поправни установи за лица лишени од слобода, кој е изработен од СЗО во март 2020 година, вели Спасовски.

Според директорот секое ново притворено или осудено лице кое доаѓа во установата, задолжително поминува најмалку 10 дена во изолација.

-Голем дел од установите за жал не располагаат со медицинска терапија и здравствен персонал, од причина што здравствената заштита е во надлежност на МЗ и здравствената грижа за осудени лица ја даваат здравствени работници кои вршат примарна здравствена заштита на чие подрачје се наоѓа седиштето на Установата. Сите знаеме дека последнава година сите здраствени работници деноноќно се ангажирани во борба со вирусот така што за жал имаме недостаток и на здравствен персонал и медикаменти со кое треба да се третир осуденото лице, вели Спасовски.

Во рамките на нашите можности адаптираме простории само да се обезбедат поголем број на простории за да се изолираат и да не се дојде во контакт со останатите. Сите неопходни мерки ги преземаме. Во моментов најкритично е во Штип и Идризово, додава Спасовски.

Целиот разговор погледнете го во видеото: