ВИДЕО: Конте најавува подобри денови за Тотенхем
Фудбалерите на Тотенхем го совладаа Лидс на домашен терен после пресврт (2:1) во последниот натпревар од 12 коло во Премиер лигата.
Од втор обид новиот менаџер на Тотенхем, Антонио Конте успеа да го оствари првиот триумф сезонава во Премиер лигата. После ремито со Еверто на дебито (0:0), поранешниот стратег на Интер и Челси ја запиша првата победа од доаѓањето во северен Лондон.
Тоа не се најавуваше по првите 45 минути во кои Лидс водеше со голот на Џејмс после асистенцијата на Харисон. Пресвртот се случи во вториот дел преку Хојбјерг и Региљон.
Тотенхем моментно се наоѓа на седмото место со 19 бодови, додека клубот од „Еланд роуд“ е на 17 место со 11 бодови.
Во следното коло играчите на Марсело Биелса ќе гостуваат кај Брајтон на 27 ноември, а еден ден подоцна фудбалерите на Конте ќе играат на гостински терен против Барнли.