Фудбалерите на Лестер експресно се враќаат во Премиер лигата
На две кола до крајот на натпреварувањето во Чемпионшип, Лестер има четири бода повеќе од Лидс, а второпласираниот има само уште еден натпревар.
Тимот предводен од Џејми Варди веќе во понеделник ќе може да ја обезбеди титулата во Чемпионшип, а тоа ќе се случи доколку победи Престон, а третопласираниот Ипсвич не успее да го совлада Хал.
„Лисиците“ се враќаат во друштвото на најдобрите по само една сезона помината во Чемпионшип.
Фудбалерите на Лестер поголемиот дел од сезоната го поминаа на лидерската позиција, долго време беше на двоцифрена бодовна разлика пред останатите, иако во еден период следеше пад, но не толку голем за да се загрози нивната лидерска позиција.
Клубот кој сензационално стана шампион во Премиер лигата во 2016 година и ги стекна симпатиите ширум светот, повторно е дел од најдобриот фудбалски караван на Островот.
Straight back up, Leicester City! 🦊 pic.twitter.com/j89S1qiuqB
— Leicester City (@LCFC) April 26, 2024