Агентот за недвижности Лука Стокиќ, имал можност да влезе во велепниот стан, кој се наоѓа во Кулата Белград. Цената на квадратот во ова луксузна градба достигнува и до неверојатни 10.000 евра, а погледот на главниот град на Србија од неа е нереален.

 

View this post on Instagram

 

A post shared by Luka Stokic (@mr.lukastokic)

Видеото што го сподели Лука на Инстаграм прикажува како изгледа еден од становите во „најскапата зграда во Србија“.

Прикажаниот стан има целосна површина од 59 метри квадратни, а се наоѓа на 27-ми кат.

Видеото од станот можете да го погледнете ТУКА.

Видеото прикажува поминување низ трпезаријата со кристални лустери и кујната, па дневната соба чии прозорци гледаат кон мостот на Ада. Наведениот стан е опремен, а покрај тоалетот за гости и спалната соба има посебен тоалет.

Бидејќи вредноста на станот е енормна, мислењата за уредувањето на овој простор се поделени. И додека едни мислат дека ентериерот не вреди толку пари, други мислат дека се е внимателно осмислено и уредено, а изгледа луксузно.

Според зборовите на Лука, оваа недвижност од 59 метри квадратни се наоѓа на 27-ми кат во белградската кула. Од ходникот влегувате во трпезаријата со тркалезна маса и бели столови, а тука е и кристалниот лустер. Кујната е од десната страна и е опремена во беж тонови. Оттаму влегувате во дневната соба која е посебен дел од станот, бидејќи нуди прекрасен поглед на мостот на Ада.

Во таа соба има кожена гарнитура во боја на кајсија, пониска широка минималистичка масичка, сива фотелја и темна полица со телевизор. Станот има и гостински тоалет, додека спалната соба има сопствена бања со пространа туш кабина. Тука преовладува белата боја, без премногу детали, пишува „Задовољна“.

Спалната соба има и прозорци од подот до таванот, како и дневната соба, со брачен кревет и биро. Бордо фотелја ги разбива монотоните посветли нијанси и дава контраст на целиот простор, а се совпаѓа со сликата на ѕидот.

„Кич со поглед на нечиста река“, „За тие пари можеш да си изградиш вила со базени и тениски терени“, „Ништо посебно. Премногу стерилно и изгледа како хотелско сместување“, „Искрено, ништо посебно, не вреди за парите и што се однесува до дизајнот, можело да биде многу поинаку, со повеќе вкус да се направи“, се само дел од негативните коментари, а имало и зборови на воодушевување: „Многу е убаво да се има ваква зграда во Белград“, „Изгледа како оние згради во Дубаи“, „Станот е елеганција“, „Ми се допаѓа овој минималистички стил, кој е многу отмен“.

Кулата Белград се наоѓа покрај реката Сава, има 42 катови, висока е 168 метри, а изградена е во рамките на проектот „Белград на вода“.