Израелските војници доцна во саботата се качија на „Хандала“, брод на „Флотилата на слободата“ кој се упати кон Појасот Газа за да достави хуманитарна помош, додека беше на само неколку милји од брегот.

Војниците ја презедоа контролата врз бродот, според снимките емитувани во живо од Палестинската организација за солидарност.

На снимката се гледаат и активисти како седат на мостот, со кренати раце, пеејќи ја италијанската антифашистичка песна „Бела чао“, додека војниците ја преземаат контролата врз бродот.

💢 The Handala aid vessel, which set sail to deliver humanitarian assistance to children in Gaza who under Israeli blockade and assault, intercepted by Israeli forces ⤵️ pic.twitter.com/VPpip8OvQo

— Anadolu English (@anadoluagency) July 26, 2025

Трите преноси во живо на интернет беа прекинати неколку минути подоцна.

Бродот исплови од Сиракуза на Сицилија на 13 јули. Бродот превезуваше 19 активисти од различни националности, вклучувајќи двајца пратеници од ЛГИ, Габриел Катала и Ема Фуро, како и двајца новинари на Ал Џезира.

-Насилниците на Нетанјаху се качија на Хандала. Тие нападнаа 21 невооружено лице во меѓународни води, каде што немаа право да го сторат тоа – рече Жан-Лук Меланшон, лидерот на партијата Непокорна Франција, со лут тон на X. Дури и саркастично додаде: „Влада на Бајру, направи нешто повеќе од тоа да му бидеш чергиче на Нетанјаху“.
Во соопштението, Флотилата на слободата рече дека бродот Хандала бил „насилно пресретната во меѓународни води“ од израелските воени сили кои „нелегално се качиле“ на неа на околу 40 наутички милји од Појасот Газа.

Операцијата беше потврдена од израелското Министерство за надворешни работи, кое истакна дека бродот се обидувал да ја пробие поморската блокада на Појасот Газа. Израелските власти соопштија дека сите патници на бродот се безбедни.

Потоа бродот ќе биде одвлечен до пристаништето Ашдод, а неговите патници ќе бидат депортирани.

Флотилата на слободата се обиде да испрати друг брод, „Мадлин“, во Газа пред неколку недели, но и тој беше запленет пред да стигне до својата дестинација. Грета Тунберг исто така беше на бродот.

Бродот, кој претходно беше норвешки рибарски брод, носи медицински материјали, храна, детски производи и лекови. Мисијата, финансирана од кампања за собирање средства, имаше за цел да ја пробие израелската блокада на Појасот Газа, каде што продолжува сè посериозната хуманитарна криза, и да достави помош. Екипажот на „Хандала“ објави преку Икс дека ќе штрајкува со глад доколку бродот биде пресретнат и луѓето на бродот бидат уапсени.

Хуманитарен брод се приближува кон Газа – го надлетуваат израелски дронови