Српскиот кошаркар Никола Јокиќ се радуваше во натпреварот против Леброн Џејмс откако неговиот Денвер славеше со 124:114 против Лејкерс, меѓутоа Леброн долго ќе го памети овој натпревар бидејќи стана првиот кошаркар кој во НБА лигата постигнал над 40.000 поени.

На Леброн пред почетокот на средбата му недостасуваа само девет поени и се очекуваше токму против актуелниот шампион да испише нова историја во НБА.

Лејкерс го загубија натпреварот во последната четвртина во која двете екипи влегоа со израмнет резултат.

Најефикасен кај Лејкерс беше Леброн со 26 поени, додека Јокиќ одигра уште еден доминантен натпревар во кој постигна 35 поени и додаде уште десет скокови. Дабл-дабл учинок имаа уште Портер со 25 поени и 10 скокови, како и Мареј со 24 поени и 11 асистенции.

НБА РЕЗУЛТАТИ:

Бруклин – Атланта 114-102

Мајами – Јута 126-120

Мемфис – Портланд 100-107

ЛА Лејкерс – Денвер 114-124

Феникс – Хјустон 109-118