Руската инвазија врз Украина ги промени дури и приоритетите на ЕУ и на европското претседателство на Република Чешка. Украина е високо на агендата, но тоа не значи дека другите геополитички региони се запоставени, вели Н.Е. Јарослав Лудва, чешки амбасадор во Скопје во разговорот за „Утрински печат“.

Западен Балкан за актуелниот претседавач на Унијата, според чешкиот амбасадор е секогаш на врвот на листата на чешките приоритети.

Со дијалог меѓу граѓанскиот сектор меѓу Република Северна Македонија и Бугарија сакаме да постигнеме квалитативен исчекор што ќе го следат политичарите на двете држави.

Првиот човек на ЕВРОТИНК, Димитар Николовски вели дека постои подготвеност на младите луѓе и од двете страни на македонско-бугарската граница да изнаоѓаат решение за надминување на разликите, без желба да се доминира над другите.

„Одлична работа е што од тие средби се разбрани дека не постои желба да се наметне една вистина на другата страна, што е добар почеток за надминување на разликите“, смета Николовски.

Тој во разговорот проговори и за горкото чувство кај македонските граѓани дека се направени големи жртви, особено по францускиот предлог, што остава, вели тој, дополнителна фрустрација и непријатност.

„Има и пропусти во комуникацијата на нашите политичари, кои велат дека реформите ги правиме за ЕУ. Не, ние реформите ги правиме заради нас самите и да живееме во подобро општество, а потоа валоризацијата ќе дојде преку членството“ оценува директорот на ЕВРОТИНК.