Иако звучи неверојатно, научниците предупредуваат дека кујнскиот мијалник може да биде поголемо легло на бактерии од самата тоалетна школка. Местото каде што миеме раце, садови и полниме чаша вода, ако не се чисти редовно, може да развие повеќе од 1.000 бактериски колонии, пишува „Вечерњи лист“.

Вирално ТикТок видео на корисничката „Чистење со Кајла“ повторно го отвори ова прашање. Таа детално објаснува како правилно да се исчисти и дезинфицира мијалникот, „во случај никој да не ве научил“.

„Прво исчистете, па потоа дезинфицирајте. Мијалникот треба да се чисти барем еднаш дневно, во него може да има исто толку бактерии како и во тоалетот“, вели Кајла.

Таа препорачува употреба на сапуница, крема за чистење, повеќенаменски спреј, сода бикарбона и лимон – комбинација што ефикасно ги отстранува маснотиите и непријатните мириси. Методите важат за сите видови судопери, без оглед на материјалот.

По чистењето следи задолжителна дезинфекција со средства како варикина, дезинфекциски спрејови или влажни марамчиња.

„Само проверете да пишува дека уништува 99,9 отсто од бактериите“, додава таа.

@cleaningwithkaylaa incase you weren’t taught : the sink🤍 let me know if this is helpful and what you’d like to see next !!☺️🫶🏽 #cleaningwithkaylaa #cleaningmotivation #educationalcleaning #cleaninghacks ♬ 15 Minutes Sabrina Carpenter – nhacvietlyrics