Вчера Самка Ибраимовски, Претседател на Партијата за целосна еманципација на Ромите, изјави дека си поднесува оставка од функцијата заменик директор на Македонија пат и дека ќе рамисли за понатамошна соработка со владата.

-Вчера анализиравме во партијата што сме добиле од 2016 до сега. Имаше големо разочарување од целото тоа чекање нешто да се случи. Нашата партија е најстара ромска партија, регистрирана е дури и пред СДСМ, вели Ибраимовски.

За причините за незадоволство Ибраимовски вели дека тоа лежи во непочитувањето.

-Ние сме 28 години во коалиција со СДСМ. Ја почитувавме одлуката на првиот претседател да бидеме лево ориентирани. Јас бев пратеник и потоа бев министер а пратеничката функција да ја преземе друг член од нашата партија. Мојот кабинет како министер без беше посветен на Ромите и направивме многу. Направивме проблематични улици во ромски маала и обезбедивме средства за изградба на 25 куќи за Роми во Кочани, исто и во Шуто Оризари направивме 13 улици и во 300 куќи направивме струја и така натаму. Со овој кабинет направивме многу. Владата требаше да направи анализа дека овој кабинет работел, но се случи да се згасне моето министереско место. И поред мене тоа беше најголемата грешка, вели Ибраимовски.

Ибраимовски вели дека не се ценеле гласовите што за владината коалиција ги носела партијата ПЦЕР. Тој е решен дека денес ќе си поднесе оставка од заменичкото директорско место во Македнија пат. Партијата ќе го чека новиот премиер со кого повторно ќе се разговара.

Тој вели дека има околу 120.000 Роми во Македонија и тоа е нивна земја, а што се однесува до ромските партии, постои иницијатива да се соберат сите ромски партии и ќе направат платфрма и ќе се обединат во една партија, а целта е да се постигне она што го бараат граѓаните Роми.

Проследете го целиот разговор во видеото