ВИДЕО | Хари Стајлс го прекина концертот за бремена обожавателка да оди во тоалет
Хари Стајлс не е само талентиран пејач, туку и грижлива личност. 29-годишниот музичар во вторникот вечерта го прекина својот концерт во Кардиф, Велс за да ѝ дозволи на бремената обожавателка по име Сиан да оди во тоалет, а подоцна дури ѝ помогнал да избере име за детето.
Оваа слатка, но главно внимателна интеракција беше снимена во вирално видео на Тик ток, за време на концертот на Хари во склоп на турнејата „Love on Tour“ на стадионот „Принципалити“ во Кардиф.
@daydreamingnic Harry talking to a pregnant fan Sian about naming her baby and encouraging her to go pee. #harrystyles #loveontour #loveontour2023 #concert
На видеото се гледа како обожавателката Сиан од публиката го моли Стајлс да ѝ помогне да избере име за детето.
„Тоа е голем притисок Сиан. Дали навистина сакаш да изберам име? Но, ова може да биде прилично забавно, нели? Што ќе биде? Што ќе да биде? Што ќе биде?“ ѝ се обратил пејачот.
Пред да може да одговори, Сиан призна дека мора да оди во тоалет, а Стајлс ѝ рече да оди, ветувајќи ѝ дека ќе ја чека пред да продолжи концертот.
„Сијан, ништо нема да пропуштиш. Ако побрзаш, ништо нема да пропуштиш“, ја утешил Хари.
Додека Сиан беше отсутна, Стајлс ја забавуваше толпата читајќи ги нивните натписи и разговарајќи со нив, а кога Сиан се врати, толпата аплаудираше на нејзиното враќање додека Стајлс ја продолжи конверзацијата околу избирање име за бебето. Сиан му понуди четири опции: Стиви, Рејф, Харли и Кејлеб.
@daydreamingnic Part 2 – Harry helping a fan decide on a baby name! #harrystyles #loveontour #loveontour2023 #concert #loveontourcardiff
„Навистина е тешко да се избере име, нели?“, рече музичарот и ја замоли публиката да гласа со аплауз за нивното омилено име. На крајот, името Кејлеб доби најголем аплауз, а Стајлс објави дека името на бебето е избрано.
Фановите беа трогнати од добрината и хуморот на Стајлс и го изразија своето задоволство во коментарите под видеото на Тик ток.
