Сообраќајот на патниот правец Битола–Ресен попладнево е во комплетен прекин поради протест на неколку стотици граѓани, кои поставија блокада на излезот од Битола кај т.н. „Ромска населба“ околу 16 часот и 30 минути.

Тие палат гуми и дрва на коловозот и спречуваат кој било да помине. Во меѓувреме, учесниците во блокадата објавуваат видеа од протестот на социјалните мрежи. Возачите се пренасочуваат на околните селски патишта.

Според првичните информации кои ги објавија локалните медиуми, причината за протестот не е најјасна, но таа е поврзана со измените во Законот за сообраќај и конкретно со возачките дозволи. Полицијата пристигнала на местото и се очекува да го регулира сообраќајот.