ВИДЕО | Град Скопје ги награди своите херои – најдобриот крводарител, полицаец и пожарникар за 2021 година
Град Скопје додели признанија за најдобриот полициски службеник, пожарникар и крводарител во Скопје за 2021 година.
Препорачано
За своите заслуги во работењето, успехот и пожртвуваноста признанија добија: Петруш Ѓорѓиевски- пожарникар спасител во територијалната противпожарна единица на Град Скопје- Бригада за противпожарна заштита на Град Скопје, Димитар Ристовски- полициски службеник во полициската станица за општа надлежност Кисела Вода- СВР Скопје и Илија Трајковски, крводарител кој до неговата 62 годишна возраст дарувал крв 113 пати.
-Дарувам крв уште од 18 годишна возраст. Дарував во средно училите, па потоа во војска. Хуманоста ми беше приоритет, изјави во Утрински брифинг крводарителот Илија Трајковски.
-Имам бенефит во прегледите, операциите. Не се плаќа ништо. Лековите си ги плаќам со партиципација. За заболекар не плаќаме, вели тој. Признанието ми е мотив да дарувам крв до 65 години, која е всушност и границата. Младите треба да даруваат крв и да помогнат, додава Трајковски.
-Признанието е титула која секој полициски службеник би сакал да ја добие. За мене претставува мотив повеќе да продолжам да ги завршувам работните задачи, професионално, уредно и да бидам достапен до граѓаните и да се грижам за нивната безбедност, изјави Утрински брифинг, Димитар Ристовски- полициски службеник во полициската станица за општа надлежност Кисела Вода- СВР Скопје
Пожарникарот Петруш Ѓорѓиевски, пак вели дека признанието после 28 години многу му значи.
-Големо е признанието. Со оглед на временските услови се соочивме со многу голлеми пожари. Интервенираме брзо и ефикасно на подрачјето на Град Скопје и на територијата на Македонија, вели Ѓорѓиевски.
Разговорите погледнете ги во видеото:
