Музичката ѕвезда Били Ајлиш ја прими наградата за иноватор во музиката на свеченоста на „Wall Street Journal“, но наместо вообичаен говор на благодарност, таа ја искористи приликата пред преполната сала со богати и славни личности, остро да ги искритикува милијардерите.

Доделувањето на наградите, на кое присуствуваа имиња како Бен Стилер, Хејли Бибер и Спајк Ли, се одржа во средата во Музејот на современата уметност во Њујорк.

„Зошто воопшто сте милијардери?“

Дваесет и тригодишната Ајлиш излезе на сцената во придружба на својата мајка, Меги Берд, и реши без задршка да ѝ се обрати на публиката. Говорот го започна со осврт на моменталната состојба во светот.

 

View this post on Instagram

 

A post shared by WSJ. Magazine (@wsjmag)

„Дајте ги вашите пари, луѓе“

„Сега живееме во време кога светот е навистина, навистина лош и мрачен, а луѓето имаат потреба од емпатија и помош повеќе од кога било, особено во нашата земја“, изјави Ајлиш.

Потоа им се обрати директно на најбогатите во салата, повикувајќи ги да направат повеќе со своите пари.

„Ако имате пари, би било прекрасно да ги искористите за добри дела — можеби да ги дадете на луѓе на кои им се потребни“, додаде таа.

„Ве сакам сите, но тука има неколку луѓе кои имаат многу повеќе пари од мене. И ако сте милијардер, зошто сте милијардер?“ продолжи пејачката, чии зборови беа пречекани со аплауз.

Говорот го заврши со неформална, но јасна порака: „Дајте ги вашите пари, луѓе.“

Зборовите поткрепени со дела

Ајлиш не останува само на зборови таа донираше 11,5 милиони долари од приходите на својата турнеја „Hit Me Hard And Soft“ за борба против климатската криза и недостигот на храна.

Според податоците на „Celebrity Net Worth“, нејзиното богатство се проценува на околу 50 милиони долари.

Пофалби од јавноста

Исечок од нејзиниот говор брзо стана вирален на социјалните мрежи, а многумина ја пофалија пејачката што ја искористи својата платформа за да испрати силна порака.

„Секој ден сè повеќе ја обожавам“, „Кажи им, Били! Сит