Британскиот актер Хју Грант ги разбесни гледачите на „Оскарите“, по разговорот со манекенката Ешли Греам, а нивниот разговор го нарекоа „најлошото интервју досега“.

Ешли го интервјуираше видно нерасположениот актер на црвениот тепих пред самото доделување на „Оскарите“, а Грант не се трудеше да го сокрие незадовоството и својот презир кон прашањата на 34-годишната манекенка, која вечерта се појави во улога на водителка.

На прашањето кој е неговиот фаворит вечерта, Хју Грант незаинтересирано одговори: „Никој посебно“. Манекенката достоинствено го продолжи разговорот со следното прашање „Што носите вечерва?“, на што тој одговори: „Мојот костум“. Ешли потоа се обиде да го продолжи разговорот, на шала прашувајќи „Сигурно ти не го направи, кој го го правеше костумот?“, на што тој крајно нељубезно и одговори дека не му текнува името на неговиот кројач.

„Ешли беше толку фина и професионална со Хју Грант на интервјуто, а тој е само идиот“, “Хју Грант е кретен“, „Згрозен сум од тоа што ѝ го направи“ се само некои од коментарите кои ги напишаа корисниците на социјалните мрежи.