Денеска во 26 коло од најсилното италијанско првенство фудбалерите на Фиорентина со резултат 1:0 на домашен терен ја совладаа Пиза.

Стрелец на единствениот гол на натпреварот за „виолетовите“ беше Моизе Кен во 13 минута од мечот на стадионот „Артемио Франки“ во Фиренца.

Ова е значајна победа за играчите на Фиорентина во борбата да се обезбеди опстанок во Серија А, моментно е на 16 позиција со 24 бодови, колку и Лече кој е во опасната зона за испаѓање на 18 место. Пиза е на претпоследното 19 позиција со 15 бодови.

Во понеделникот се одигра уште еден натпревар, Болоња со 1:0 триумфираше над Удинезе на стадионот „Ренато Дал`Ара“.Победа за домаќините донесе Федерико Бернардески во 75 минута од средбата од пенал.

Болоња после долгата серија порази, го врза и вториот триумф во низа за моментно осмо место на табелата со 36 бодови, додека Удинезе по 12 пораз сезонава се наоѓа на 11 позиција со 32 бодови.