Рускиот танкер „Каирос“, дел од таканаречената „флота во сенка“ на Москва за избегнување на западните санкции, беше оштетен во експлозија во близина на Босфорскиот Теснец во Црното Море.

Турските власти потврдија дека бродот пријавил „надворешен удар“ на пат кон Новоросијск, а поради пожарот во машинската просторија, 25-темина членови на екипажот биле евакуирани, објави Ројтерс.

An explosion and fire broke out in the engine room of the Gambian-flagged tanker Kairos while it was sailing in ballast about 52 miles north of the Bosphorus in the Black Sea, shipping agency Tribeca said. pic.twitter.com/Hvp8Ov4j5r

— Levent Kemal (@leventkemaI) November 28, 2025

Има сомневања дека експлозијата била предизвикана од мина, како и дека танкерот е во опасност од потонување. Спасувачки влекачи и крајбрежната стража итно пристигнаа да помогнат.

Исто така, уште еден санкциониран танкер, „Вират“, претрпел експлозија во Црното Море. Претходно, во 2022 и 2023 година, слични инциденти со танкери се случија во околината.