Популарниот пејач Џастин Бибер повторно се најде во центарот на медиумското внимание, но овој пат не поради нова песна или концерт, туку поради напнат момент со папараците.

Во петокот вечерта, Бибер и неговата сопруга Хејли беа фотографирани како излегуваат од ресторан „Суши Парк“ во Вест Холивуд, но атмосферата брзо се промени кога стигнаа до гаражата. Папараците веќе чекаа покрај автомобилот, а пејачот, видливо изнервиран од нивното присуство, реагираше на начин што веднаш го привлече вниманието на интернет и социјалните мрежи.

Папараците веќе чекаа покрај нивниот автомобил. Во видеото, кое го објави ТМЗ, се гледа дека Џастин е видно нервозен додека се качува во црниот џип. Откако влезе во автомобилот, тој го фрли шишето вода кон фотографите, кое падна на земја без да удри во никого, испраќајќи јасна порака дека не му е пријатно.

Хејли, пак, остана смирена и мирно влезе во автомобилот. Двојката брзо замина, а возачот веднаш тргна со автомобилот, завршувајќи го краткиот, но напнат момент.