Дванаесет лица загинаа денеска кога по експлозија избувна пожар во продавница за пиротехнички средства во кинеската покраина Хубеи, при што изгореа 50 квадратни метри од деловниот простор, објави државната телевизија CCTV, пренесува Скај њуз.

Инцидентот се случил во централниот кинески град Сјангјанг, а причината за експлозијата е под истрага, според CCTV.

🟢 Çin’in Hubei eyaletine bağlı Xiangyang kentinde havai fişek satılan bir dükkânda meydana gelen patlamada 12 kişi hayatını kaybetti. pic.twitter.com/10FGpUagsb

— SİYAH SANCAK (@siyahsancakx) February 18, 2026

Експлозиите поврзани со огномет не се невообичаени во Кина, каде што прскалките се широко и често неселективно користени за време на празнични пригоди како што се прославите на Лунарната Нова Година, кои започнаа вчера.

Во јуни, експлозија во фабрика за огномет во соседниот Хунан уби девет лица, а повреди уште 26.

Некои градови во Кина ја забранија употребата на огномет од безбедносни причини и загриженост за загадувањето на воздухот, но мерките предизвикуваат контроверзии бидејќи прскалките, кои традиционално се користат за одвраќање на злите духови, играат важна улога во прославите на кинеската Нова Година.

Кина: Осум загинати во експлозија на пиротехника во продавница