ВИДЕО: Дончиќ со „трипл-дабл“ против Сакраменто, Џејмс во последните секунди го урна Голден Стејт
Во НБА лигата кошаркарите на Сакраменто триумфираа на гостувањето кај Далас со конечен резултат 115:120.
Недоволен беше „трипл-дабл“ учинокот на играчот на Маверикси, Лука Дончиќ, од 28 поени, 10 скокови и 17 асистенции.
На спротивната страна во редовите на Кингси доминираше Фокс со 34 поени, три скокови и пет асистенции.
Крајно возбудлив натпревар одиграа Голден Стејт и ЛА Лејкерс, во кој славеа „езерџиите“ со 144:145 по две продолженија.
Прва ѕвезда во екипата на Вориорси беше Кари со 46 поени, три скокови и седум асистенции, а за Лејкерси Џејмс кој ги постигна решавачките поени за триумф на неговиот тим, запиша 36 поени, 20 скокови и 12 асистенции.
НБА лига, резултати –
Бруклин – Хјустон 106:104
Бостон – ЛА Клиперс 96:115
Шарлот – Јута 122:134
Милвоки – Њу Орлеанс 141:117
Голден Стејт – ЛА Лејкерс 144:145 (по 2 продолженија)
Сан Антонио – Минесота 113:112
Далас – Сакраменто 115:120