Можам да кажам, а во исто време да им се заблагодарам на колегите за одличната соработка, иако бевме состав од различна политичка провиниенција. Сметам дека завршивме добра работа овие две и пол години – референдумот, па претседателските избори и предвремените парламентарни избори во услови во пандемија, изјави за Утрински брифинг Оливер Деркоски поранешниот претседател на ДИК.

Единствена темна дамка фрли хакерскиот напад на серверот за објава на резултатите. Се поставивме да не дозволиме да се врши политички притисок, вели Дерковски и додава дека се надева дека ќе дојдеме во ситуација стриктно професионалци да ја водат ДИК, а не претставници од политичките партии.

Гледам најави од политичките учесници, но не гледам конкретен чекор и штета би било измени во изборен законик да се носат во 5 до 12. Но ако се случат сега, тогаш може да се направат добри решенија во изборниот модел, да се регулира членот кој што го уредува избирачкиот список, вели Дерковски.

Целиот разговор погледнете го во видеото: