По 26 години пауза од макфестовската сцена, еден од нашите најголеми музички ѕвезди Дарио реши повторно да настапи и тоа со песна специјално направена за фестивалот. Последниот настап му бил во 1998 година со песната „Камен на срце“, тогаш заедно со „Миг 21“. Интересно е дека истата година ги добивме и некои од најголемите македонски хитови како „Ноќна кралица“ на Ерзана и „Магија“ на Јован Јованов.

По 26 години многу работи се сменети, вели Дарио за „Слободен печат“ и додава дека некои од најубавите моменти од неговата кариера се случиле токму во Штип на „Макфест“.

– Тој што бил тогаш знае дека е огромна разликата. Тогаш беше национален празник во Штип, па и во Македонија, тоа беше една атмосфера на ниво на „Санремо“. Ние одевме стотина метри еден час, не можевме да се пробиее од обожаватели, од автограми, од фотографирање … Беше фантастична атмосфера, неспоредливо – изјави за „Слободен печат“ Дарио.