Денеска во скандинавското финале на 27 Светско првенство кое се одржа во Египет репрезентацијата на Данска со резултат 26:24 ја совлада Шведска.

Данците на тој начин го одбранија трофејот освоен пред две години, нивно вкупно второ злато на Мундијалите.

Швеѓаните после овој пораз мораа да се задоволат со сребрениот медал, вкупно четврти во нивната историја на светските шампионати.

После 45 минути егал борба на денешниот натпревар, Данска ја презеде контролата и прва стекна повисока предност благодарение на одличниот голман Ландин кој во клучните моменти ги откажа ривалите и со своите 15 интервенции беше еден од најзаслужните за конечниот епилог.

#Egypt2021

???? Le Danemark sacré Champion du Monde 2️⃣0️⃣2️⃣1️⃣ ? ⭐️

pic.twitter.com/VwcIhStMZC

— HandNews (@HandNewsfr) January 31, 2021

На 10 минути до крајот на мечот на семафорот стоеше 22:18, иако Шведска не се предаваше и можеше да дојде и до „минус еден“, но кога Ване кога беше најпотребно не успеа да реализира седмерец во 58 минута при 25:23. Со новата одбрана на Ландин и голот на Ландин Јакобсен почна и големото славје на данската селекција.

Кај стрелците најефикасен беше М. Хансен (прогласен за МВП, најкорисен играч на СП) со шест голови, а во поразените редови пет запиша Х. Ване.

Во продолжение и „Ол-стар“ тимот, изборот кој го објави ИХФ е базиран според перформансите на СП:

– Лево крило: Хампус Ване (Шведска)
– Лев бек: Микел Хансен (Данска)
– Среден бек: Јим Готфридсон (Шведска)
– Десен бек: Матијас Гидсел (Данска)
– Десно крило: Феран Соле Сала (Шпанија)
– Пивот: Лудовик Фабрегас (Франција)
– Голман: Андреас Паличка (Шведска)

Шпанците го освоија бронзениот медал на Мундијалот